निष्पक्ष र विश्वसनीय खबरको सँगालो 
Khabar Punja
३ पुष २०८१, बिहीबार
दमौली । भिमाद नगरपालिकाका प्रमुख प्रशासकीय अधिकृत थमनसिं थापा जिल्ला समन्वय समिति तनहुँमा सरुवा भएका छन् । लामो समयदेखि भिमादमा प्रमुख प्रशासकीय अधिकृतको रुपमा कार्यरत थापाको जिसस तनहुँमा सरुवा भएको हो ।
जिसस तनहुँका समन्वय अधिकारी प्रेमराज गिरी सहसचिवमा बढुवा भई सरुवा भएपछि थापा समन्वय अधिकारीको रुपमा आएका हुन् । थापा यसअघि तनहुँमै सहायक प्रमुख जिल्ला अधिकारीको रुपमा समेत कार्यरत थिए ।
थापालाई बुधबार भिमाद नगरपालिकाले विदाई गरेको छ । नगरप्रमुख मेखबहादुर थापा, उपप्रमुख शारदा खनाल लगायत जनप्रतिनिधि एवं कर्मचारीले थापालाई विदाई गरे । भिमादको नयॉ प्रमुख प्रशासकीय अधिकृतमा टेकनाथ दाहाल आएका छन् ।
