निष्पक्ष र विश्वसनीय खबरको सँगालो 
Khabar Punja
३ माघ २०८१, शुक्रबार
दमाैली । पृथ्वीराजमार्ग अन्तर्गत तनहुँको आँबुखैरेनी गाउँपालिका–२ ऐनापहरामा आइतबार दिउँसो भएको सवारी दुर्घटनामा सात जना घाइते भएका छन् । मुग्लिङबाट आँबुखैरेनीतर्फ आउँदै गरेको ग २ ख ३०७ नम्बरको बस र विपरित दिशाबाट जाँदै गरेको ग ३ च ६०१२ नम्बरको टाटा सुमो एक आपसमा ठक्कर खाँदा सात जना घाइते भएका हुन् ।
घाइतेमध्ये पाँच पुरुष र दुई महिला रहेको जिल्ला प्रहरी कार्यालय तनहुँले जनाएको छ । प्रहरीका अनुसार घाइतेमध्ये दुई जनाको अवस्था गम्भीर रहेको छ भने पाँच जना मध्यम छन् । बससँग ठोक्किएपछि टाटा सुमो सडकदेखि अन्दाजी पाँच मिटर तल खसेको थियो ।
इलाका प्रहरी कार्यालय भानुका प्रहरी निरीक्षक प्रकाश भुषालले घटनाबारे थप विवरण आउन बाँकी रहेको जानकारी दिए । घाइते सबैलाई थप उपचारका लागि चितवन पठाइएकाे छ ।
