निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमौली । सत्तारुढ दलले तनहुँमा पनि गठबन्धन गरेर निर्वाचनमा जाने सहमति गरेका छन् । नेपाली कांग्रेस, नेकपा माओवादी केन्द्र, नेकपा एस र जनता समाजवादी पार्टीका नेताहरुले तनहुँमा पनि गठबन्धन गर्ने निर्णय गरेका छन् ।
तर निर्वाचनमा कसरी गठबन्धन गर्ने भन्ने निक्यौल भएको छैन । व्यास नगरपालिका र ऋषिङ गाउँपालिकामा गठबन्धन नहुने कांग्रेसका नेताहरुको भनाई छ। दुवै पालिकामा कांग्रेसको एकल बहुमत रहेकाले यो पालिकामा गठबन्धन नगर्ने र कमजोर रहेका पालिकामा गठबन्धन गरेर फाइदा लिने कांग्रेसको तयारी छ ।
तर नेकपा माओवादी केन्द्र व्यास नगर कमिटीका अध्यक्ष रामचन्द्र सापकोटा दश वटै पालिकामा सबैको उचित सम्मान एवं व्यवस्थापन हुनुपर्ने बताउँछन् । ‘गठबन्धन गर्ने हो भने सबै पालिकामा उचित तरिकाले हुनुपर्छ, कुनै पालिकाका निम्ति कसैले पूरै वलिदानी गर्न तयार छैनौ’ उनले भने ।
