निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
बन्दीपुर । नेकपा माओवादी केन्द्रबाट बन्दीपुर गाउँपालिकाका उपाध्यक्षका उम्मेदवार करुणा गुरुङले आफूहरुले गरेका कामलाई पूरा गराउन पुनः उम्मेदवार बनेको बताएकी छन् । गत स्थानीय तह निर्वाचनमा माओवादी केन्द्रबाट निर्वाचित उपाध्यक्ष गुरुङले गाउँपालिकामा सुरु भएका, सम्पन्न हुन बाँकी रहेका कामलाई पूरा गराउन पुनः उम्मेदवारी दिएको बताइन् ।
“जनताको एक मतले बन्दीपुरमा गत वर्षमा सुरुवात भएका, सम्पन्न हुन बाँकी रहेका कामले सार्थकता पाउनेछ,” खबरपुञ्जसँग कुरा गर्दै उनले भनिन्, “विगतमा पनि बन्दीपुरवासीको साथ र समर्थन पाएकी थिएँ, अहिले पनि पाउनेमा आशावादी छु ।”
बन्दीपुरको पर्यटन, पूर्वाधार, शिक्षा, सडक, खानेपानी लगायतमा धेरै कामहरु भएको उल्लेख गर्दै गुरुङले बन्दीपुरलाई पर्यटनको हबको रुपमा विकास गर्न सफल भएको बताइन् ।
