Khabar Punja

भानु । भानु नगरपालिकाका मेयर उम्मेदवार सीताराम बजगाइँले भानुको विकासका लागि दश मोडल प्रस्तुत गरेका छन् । नेकपा एमालेका तर्फबाट मेयरका उम्मेदवार बजगाइँले भानुको विकासका लागि दश मोडल प्रस्तुत गरेका हुन् ।

‘आर्थिक, सामाजिक, भौतिक, वातावरणीय र सुशासनसहितको समृद्धि भानु नगर’ नारालाई सार्थक बनाउने लक्ष्य लिइएको बजगाइँले बताए ।

व्यावसायिक कृषिको विकास, पर्यटनको विकास, आधुनिक शिक्षाको विकास, उद्योगको विकास, पूर्ण डिजिटल पालिका, युवाको सीपको विकास, आधारभूत सामाजिक सुरक्षाको विकास, आधारभूत स्वास्थ्यको विकास, पानीको समस्या समाधान र विपन्न वर्गको विकासको मोडल सार्वजनिक गरिएको छ ।