निष्पक्ष र विश्वसनीय खबरको सँगालो 
Khabar Punja
२४ पुष २०८१, बिहीबार
दमाैली । स्थानीय तह निर्वाचन अन्तर्गत शुक्रबार भएको मतदान सकिएपछि तनहुँमा मतगणना सुरु भएको छ । जिल्लाका तीन पालिकामा शुक्रबार राति र एक पालिकामा शनिबार बिहानदेखि मतगणना सुरु भएको हो ।
बन्दीपुर गाउँपालिका, म्याग्दे गाउँपालिका र घिरिङ गाउँपालिकामा शुक्रबार रातिदेखि नै मतगणना सुरु भएको छ भने भिमाद नगरपालिकामा शनिबार बिहानदेखि मतगणना सुरु भएको छ । अन्य पालिकामा पनि मतगणना सुरु गर्ने तयारी छ ।
व्यास नगरपालिकामा भने मतगणनामा अन्यौल भएको छ । व्यास नगरपालिका–८ रिस्ती मतदान केन्द्रमा विवाद भएपछि नेकपा एमाले र गोविन्दराज जोशी समूहले पुनः मतदान गर्न माग गर्दै मुख्य निर्वाचन अधिकृतको कार्यालयमा उजुरी दिएका छन् ।
स्थानीय तह निर्वाचन अन्तर्गत तनहुँमा ६४ प्रतिशत मत खसेको छ । जिल्लाका दश वटै पालिकाका दुई सय ९७ मतदान केन्द्रमा भएको मतदानमा ६४ प्रतिशत मत खसेको जिल्ला निर्वाचन कार्यालय तनहुँले जनाएको छ ।
