निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
काठमाडाै । स्थानीय तह निर्वाचनकाे मतदानका दिन व्यास-८ रिस्तीमा आक्रमणमा परेर घाइते व्यास नगरपालिकाका प्रमुखका उम्मेदवार दीपकराज जाेशीलाई नेकपा एमालेका अध्यक्ष एवं पूर्वप्रधानमन्त्री केपी ओलीले फाेन गरी स्वास्थ्य अवस्थाकाे बारेमा जानकारी लिएका छन् ।
घाइते भइ हाल फ्रन्टलाइन अस्पतालमा उपचाररत जाेशीलाई ओलीले बुधबार फाेन गरेका हुन् उनले भनेका छन्, ‘बाबुलाई सिघ्र स्वास्थ लाभको कामना । म अस्वस्थ भएका कारण भेट्न आउन सकिन । साथीहरुसँग तपाइको बारेमा उपडेट लिइरहेको छु ।’
जाेशीलाई मङ्गलबार एमालेका महासचिव शङ्कर पाेख्रेल, नेताहरु राजन भट्टराई, विष्णु रिमालले भेटी स्वास्थ्य अवस्थाकाे बारेमा चासाे राखेका थिए । बुधबार मात्रै एमाले नेता सुवास नेम्बाङ, श्रममन्त्री कृष्णकुमार श्रेष्ठ, पूर्व आइजिपी सर्वेन्द्र खनालले पनि जाेशीलाई भेटेका छन् ।
