निष्पक्ष र विश्वसनीय खबरको सँगालो 
Khabar Punja
७ पुष २०८१, सोमबार
दमाैली । नेपाल वन पैदावर उद्योग व्यवसायी संघ तनहुँले ऋषिङ गाउँपालिका–१ का अगनसिं थापालाई राहत रकम प्रदान गरेको छ । मनकामना फर्निचरमा काम गर्दा बन्चरोले हात काटिएका थापालाई संघले बुधबार राहत रकम प्रदान गरेको हो ।
संघका अध्यक्ष सूर्यबहादुर तामाङ, सचिव देव रसाइली लगायतले ४० हजार ७ सय ४१ को चेक थापालाई हस्तान्तरण गरेका छन् । संघमा आबद्ध व्यवसायीको फर्निचर उद्योगमा काम गर्दैको अवस्थामा हात काटिएपछि बीमामार्फत् प्राप्त भएको रकम सहयोग गरिएको अध्यक्ष तामाङले जानकारी दिए । मजदुरको पीडाको बेला घाउमा मलम लगाउन थोरै भएपनि राहत रकम प्रदान गरिएको उनले बताए ।
संघले वन क्षेत्रमा काम गर्ने मजदुरको जोखिम बहनका लागि बीमा गर्ने गरेको र केही भएको खण्डमा बीमामार्फत् राहत प्रदान गर्ने गरिएको संघका सचिव देव रसाइलीले जानकारी दिए ।
