निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
काठमाडौं । भोलिदेखि थप ५ जिल्लाबाट पनि अनलाइन प्रणालीबाट मतदाता नामावली फाराम भर्न पाइने भएको छ ।
निर्वाचन आयोगका अनुसार सोमबार बसेको आयोगको बैठकले काभ्रेपलाञ्चोक, चितवन, कास्की, मोरङ्ग र झापा गरी थप ५ जिल्लाबाटसमेत अनलाइनबाट मतदाता नामावली फाराम भर्ने व्यवस्था मिलाउने निर्णय गरेको हो ।
आयोगका प्रवक्तासमेत रहेका सहसचिव शालिग्राम शर्माका अनुसार यसअघि काठमाडौं उपत्यका तीन जिल्ला काठमाडौं, ललितपुर र भक्तपुरबाट मात्र अनलाइन प्रणालीबाट मतदाता नामावली फाराम भर्न पाउने व्यवस्था गरेको थियो ।
अनलाइन प्रणालीबाट प्रि–इन्ड्रोलमेन्ट गरिसकेपछि बायोमेट्रिक दिनका लागि भने नजिकै रहेको निर्वाचन कार्यालयमा उपस्थित हुनुपर्छ ।
यसैबीच मतदाता नामावली शंकलन गर्ने समयावधि पनि साउन १० गतेसम्मका लागि थपिएको छ ।
यसअघि साउन ४ गतेसम्म मात्र मतदाता नामावली संकलन हुने बताएको निर्वाचन आयोगले निर्वाचनको मिति नतोकिएका कारण मतदाता नामावली संकलन गर्ने समयसिमा १० गतेसम्मका थप पनि गरेको छ ।
स्थानीय तहको निर्वाचन सम्पन्न भएपछि असार १ गतेबाट अहिलेसम्ममा गरेर अनलाइन र अफलाइन दुवैबाट गरेर देशभरमा ३ लाख नयाँ मतदाता पनि थपिएको आयोगका प्रवक्ता शर्माले जानकारी दिए ।
