निष्पक्ष र विश्वसनीय खबरको सँगालो 
Khabar Punja
२८ कार्तिक २०८१, बिहीबार
दमौली । असोज १ गते मनाइने राष्ट्रिय विज्ञान दिवसको अवसरमा व्यास-१ स्थित आदिकवि भानुभक्त क्याम्पसमा सरसफाई गरिएको छ । युवा रेडक्रस सर्कल आदिकविको आयोजनामा शुक्रबार क्याम्पसमा सरसफाई गरिएको हो।
कार्यक्रमलाई सफल बनाउन क्याम्पस परिसर सरसफाई गरिएको अध्यक्ष सुनिता तिवारीले बताइन् ।
विज्ञान दिवसको अवसरमा क्याम्पसमा विविध कार्यक्रमका साथ मनाइने भएको छ । सो अवसरमा गोरखा, लमजुङ र तनहुँ जिल्लामा कक्षा ११ र १२ मा विज्ञान विषय पठनपाठन हुने विद्यालयका विद्यार्थी टोलीहरुबीच विज्ञान हाजिरी जवाफ प्रतियोगिताको आयोजना गरेको छ ।
सो अवसरमा विज्ञान विषय पढाउने शिक्षकहरुको सहभागितामा विज्ञान शिक्षणका चुनौतिहरु विषयक छलफल कार्यक्रम पनि रहेको छ । उक्त छलफलमा तिनै जिल्लाका शिक्षकहरुको सहभागिता रहने छ । उक्त कार्यक्रमलाई क्याम्पसको विज्ञान तथा प्रविधि विभाग र क्याम्पसमा विज्ञान शिक्षा विषय अध्ययन गर्ने विद्यार्थीहरूको साझा एविसि विज्ञान क्लबले आयोजना गर्न लागेको हो । कार्यक्रमलाई एडभान्स सरस्वती प्रकाशन र केईसि प्रकाश काठमाण्डौले समेत प्रायोजन गर्ने भएको छ ।
