निष्पक्ष र विश्वसनीय खबरको सँगालो 
Khabar Punja
१८ पुष २०८२, शनिबार
दमाैली । तनहुँ सदरमुकाम दमौली आसपास विगत केही दिनयता चोरीका घटना बढ्न थालेका छन् । दमौली सदरमुकाम लगायत आसपासका क्षेत्रमा केही दिनयता चोरीका घटना बढेको हो ।
व्यास नगरपालिका–५ चापाघाटमा आइतबार चार जनाको घरमा चोरी भएको छ । गिनीमाया थापा सहित चार जनाको घरमा दिउँसो कोही नभएको समयमा ताला फोडेर चोरी भएको बताइएको छ । थापा सहित चार जनाको घरबाट तिलहरी सहित करिब ३० हजार नगद चोरी भएको पीडितले बताएका छन् ।
केही दिनअघि मात्रै व्यास–७ कलेस्तीमा पनि घर फोडेर चोरी भएको थियो । साथै दमौली बजारमा सुन्तला विक्री गर्न आएकी एक महिलाले आफूले लगाएको सुनको सिक्री चोरी भएको बताएकी थिइन् ।
जिल्ला प्रहरी कार्यालय तनहुँका प्रहरी नायब उपरिक्षक युवराज खड्काले चोरीको घटना बढेको स्वीकार गर्दै चोरीमा संलग्नहरुको खोजी कार्य तीव्र पारिएको बताए । “चोरीमा संलग्नलाई हामी खोज्दैछौ,” उनले भने ।
दमाैलीवासीले प्रहरीले शान्तिसुरक्षा व्यवस्था कायम गर्न नसकेकाे भन्दै आक्राेश व्यक्त गरेका छन् ।
