निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमौली । ऑबुखैरेनी गाउँपालिकाले अपाङ्गता भएका व्यक्तिहरुलाई अपाङ्गता परिचयपत्र वितरण गरेको छ । छ वटै वडाका अपाङ्गता भएका व्यक्तिहरुलाई गाउँपालिकाले मङ्गलबार परिचयपत्र वितरण गरेको हो ।
१६ जनालाई अपाङ्गता परिचयपत्र वितरण गरिएको स्वास्थ्य शाखाका सहायक प्रमोद साहले जानकारी दिए । गाउँपालिकाकी उपाध्यक्ष दुर्गा अर्यालले अपाङ्गता भएका व्यक्तिहरुलाई परिचयपत्र वितरण गरिन् ।
तीन जनालाई रातो, दश जनालाई निलो र तीन जनालाई पहिलो परिचयपत्र वितरण गरिएको छ ।
कार्यक्रममा गाउँपालिकाका अध्यक्ष शुक्र चुमान, प्रमुख प्रशासकीय अधिकृत विष्णुप्रसाद शर्मा, वडा नम्बर ३ का वडा अध्यक्ष दिनेश केसी, स्वास्थ्य शाखा प्रमुख अगमराज उपाध्याय, सूचना अधिकृत निरोज श्रेष्ठको उपस्थिति थियो ।
