निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमौली । तनहुँको डुम्रेमा रहेको एक सुनचाँदी पसलमा आइतबार राति आगलागी भएको छ।
रोहित विकले सन्चालन गर्दै आएको पोखरा सुनचाँदी पसलमा हिजो साझ ९:३० बजे आगलागी भएको हो। स्थानीय र प्रहरीको संयुक्त प्रयासमा करिब १०:०० बजेतिर आगलागी नियन्त्रणमा आएको थियो।
छोटो समयमै आगलागी नियन्त्रणमा आएको हुँदा थप क्षति हुन नपाएको स्थानीय व्यापारी सुनिल श्रेष्ठले बताए । आगलागी भएको खबर प्राप्त भए लगत्तै बन्दीपुर गाउँपालिकाको बारुणयन्त्र घटनास्थलमा पुगेको थियो। प्रहरीका अनुसार बिजुली सर्ट भएर आगलागी हुन सक्ने प्रारम्भिक अनुमान गरिएको छ।
उक्त आगलागीबाट पसलको पुरै भाग जलेको छ भने क्षति के कति भयाो भन्ने बारे एकिन विवरण नआइसकेको र बिहान क्षतिको विवरण संकलन गरिने बन्दीपुर-१ का वडाध्यक्ष शिवकुमार श्रेष्ठले जानकारी दिए ।
