निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमौली । म्याग्दे गाउँपालिका-६ मनपाङमा मनपाङ सामुदायिक होमस्टे संचालन हुने भएको छ । गुरूङ समुदायकाे बाक्लो बसोबास रहेको मनपाङका २२ घरले होमस्टे सचालन गर्ने भएका हुन ।
सामुदायिक होमस्टेको म्याग्दे गाउपालिकाका अध्यक्ष श्रीप्रसाद श्रेष्ठ र उपाध्यक्ष वालकृष्ण घिमिरेले संयुक्त रूपमा केक काटेर शुभारम्भ गरेका हुन । पर्यटकीय, धार्मिक र सास्कृतिक दृष्टिकोणले अगाडि रहेको मनपाङमा पाउनाले सहज रूपमा मनोरञ्जन लिन सक्नेछन ।
समुदायलाई होमस्टे सचालनका लागि ज्ञान,सीप,कानुन , पुर्वाधार तथा आत्मविश्वास बढाउनका लागि तालिम दिइएको म्याग्दे गाउँपालिकाका अधिकृत प्रदिप न्यौपानेले जानकारि दिए । पाहुनालाई खानाको परिकार वनाउन कुकिङ, सरसफाई, व्यवस्थापन तथा अतिथि सत्कार तालिम विज्ञद्वारा दिएको उनले बताए।
होमस्टेबाट स्थानीयले मनग्य आम्दानी गर्न सक्ने र आन्तरिक तथा बाह्य पयटनमा वृद्धि हुने गाउँपालिकाका प्रमुख प्रशासकीय अधिकृत जितवहादुर रानाले बताए ।
