निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
दमौली । भानु नगरपालिकाका वहालवाला जनप्रतिनिधिले दोहोरो अनुगमन भत्ता बुझेका छन् । उपप्रमुख उमा गोतामे सहित वडाध्यक्ष, कार्यपालिका सदस्यहरुले दोहोरो अनुगमन भत्ता बुझेका हुन् ।
गाउँसभा नगरसभा र जिल्ला समन्वय समितिका सदस्यले पाउने सुविधा सम्बन्धी ऐन २०७७ को दफा ७ मा पदाधिकारी तथा सदस्यले अनुसूची बमोजिमके अनुगमन सुविधा पाउने उल्लेख गरे बमोजिम मासिक रुपमा अनुगमन भत्ता भुक्तानी दिएको छ । पालिकाले विभिन्न जनप्रतिनिधिलाई पालिका अन्तर्गतका योजनाहरुको अनुगमनमा खटिएको अनुगमन भत्ता भुक्तानी गरेकाले दोहोरो अनुगमन भत्ता असुल गर्न महालेखा परीक्षकको कार्यालयले निर्देशन दिएको छ ।
