निष्पक्ष र विश्वसनीय खबरको सँगालो 
Khabar Punja
२५ कार्तिक २०८१, सोमबार
दमौली । होटल व्यवसायी संघ तनहुँले इलाका प्रहरी कार्यालय बेलचौताराका प्रहरी निरीक्षक गणेश सुवेदीलाई स्वागत गरेको छ । हालैमात्र सरुवा भई आएका सुवेदीलाई स्वागत गर्दै संघले परिचयात्मक कार्यक्रम गरेको हो ।
सो क्रममा संघका अध्यक्ष दुर्गाविलास भट्टराई, सल्लाहकार सुजित हिराचन, केन्द्रीय सदस्य प्रेम श्रेष्ठ लगायतले होटल व्यवसायी र प्रहरीबीच सुमधुर सम्बन्ध कायम गर्नुपर्नेमा जोड दिए ।
प्रहरी निरीक्षक सुवेदीले समाजमा शान्ति सुरक्षा कायम गर्न र होटल व्यवसायीको सुरक्षाका लागि प्रहरी सदैव तयार रहेको उल्लेख गरे ।
