निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
पोखरा । पोखरामा हुन लागेको प्रथम पोखरा कप विद्यालयस्तरीय क्रिकेट प्रतियोगितालाई एक्सपर्ट एजुकेशनले प्रायोजन गर्ने भएको छ । प्रथम संस्करणको प्रतियोगितालाई मुख्य प्रायोजन गर्नलाई एक्सपर्टले सम्झौता गरेको हो ।
बि बग इभेन्टले फागुन ७ देखि १६ गतेसम्म पोखरा रंगशालाको क्रिकेट मैदानमा प्रतियोगिता गर्दैछ ।
मुख्य प्रायोजन सम्बन्धि सम्झौतामा एक्सपर्टका अपरेसन म्यानेजर रमेश बाँस्तोला, मार्केटिङ म्यानेजर विष्णु गौतम र बि बग इभेन्टका अध्यक्ष विशाल सुवेदी र प्रतियोगिता संयोजक उदीपराज ढुंगानाले मुख्य प्रायोजन सम्बन्धि सम्झौतामा हस्ताक्षर गरे ।
प्रतियोगिता टि–२० फम्र्याटमा खेलाईने छ । कास्कीका १२ विद्यालयले सहभागिता जनाउने संयोजक ढुंगानाले जानकारी दिए । १२ विद्यालयलाई चार समूहमा विभाजन गरेर लिग खेल खेलाइनेछ । समूह विजेता चार विद्यालय सेमिफाइनल प्रवेश गर्नेछन् ।
प्रतियोगितामा कुल १५ खेल हुनेछ । विजेता विद्यालयले क्रिकेट किटसँगै ट्रफी र मेडल पाउनेछ । उपविजेतालाई क्रिकेट किट, ट्रफी तथा मेडल प्रदान गरिनेछ । उत्कृष्ट बलर, ब्याटर र खेलाडीले पनि क्रिकेट किट, ट्रफी र मेडल पाउनेछन् ।
