निष्पक्ष र विश्वसनीय खबरको सँगालो 
Khabar Punja
४ मंसिर २०८१, बुधबार
दमौली । तनहुँको भानु नगरपालिका–७ बसन्तपुरस्थित थानीमाइ मन्दिरमा मङ्सिर महिनाको पहिलो मङ्गलबार ४३ फूलको डोली भित्रिएको छ । विभिन्न जिल्लाबाट आएका भक्तजनले मन्दिरमा फूलको डोली भित्र्याएका हुन् ।
त्यसक्रममा पाँच हजार पाँच सय भक्तजनले मन्दिरमा पूजाअर्चना गरेको मन्दिर व्यवस्थापन समितिका अध्यक्ष जीवन थापाले खबरपुञ्जलाई जानकारी दिए । त्यस्तै सोमबार राति जागाराम बसेर बत्ती बाल्नेको सङ्ख्या चार सय ७० रहेको थापाले बताए ।
थापाका अनुसार तनहुँका अतिरिक्त छिमेकी लमजुङ, गोरखा, चितवन लगायतका जिल्लाबाट भक्तजन फूलको डोली सहित मन्दिरमा आएका थिए ।
प्रत्येक वर्ष कात्तिक, मङ्सिर, माघ, फागुन र चैत महिनाको मङ्गलबार थानीमाइमा फूलको डोली भित्र्याइन्छ ।
