निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
दमौली । भानु नगरपालिका–७ बसन्तपुरस्थित थानीमाइ मन्दिरमा मङ्सिर महिनाको दोस्रो मंगलबार फूलको डोली भित्रिएन । दोस्रो मंगलबार एकादशी परेका कारण मन्दिरमा फूलको डोली नभित्रिएको हो । पहिलो मङ्गलबार भने ४३ फूलको डोली भित्रिएको थियो ।
प्रत्येक वर्ष कात्तिक, मङ्सिर, माघ, फागुन र चैत महिनाको मङ्गलबार थानीमाई मन्दिरमा देशका विभिन्न ठाउँबाट आएका भक्तजनले फूलको डोली चढाउने गर्ने मन्दिर व्यवस्थापन समितिका अध्यक्ष जीवन थापाले जानकारी दिए ।
मन्दिरमा साउन महिना, एकादशी र औंसीमा भने फूलको डोली भित्रिदैन ।
समुन्द्र सतहबाट एक हजार दुई सय मिटर उचाईमा अवस्थित यहाँबाट गोरखाको लक्ष्मी बजार, लिगलिग कोट, पालुङटार, राइनासकोट लगायत हिमश्रृङ्खलाका दृश्य देख्न सकिन्छ ।
