निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
तनहुँ : तनहुँको व्यास नगरपालिका-४ स्थित व्यास युथ क्लवको सहकार्यमा सोही वडा निवासी हाल जापानमा रहनुभएका हरि गुरुङ र श्रीमती फूलमाया गुरुङले दुई मिर्गौला पीडितलाई आर्थिक सहयोग गर्नुभएको छ ।
उहॉहरुले दुवै मिर्गौला फेल भएर उपचार गराइरहनुभएका रामलाल श्रेष्ठलाई रु १५ हजार र अब्दुल गफ्फार मियॉलाई रु १० हजार सहयोग गर्नुभएको हो ।
उक्त रकम उहॉहरुका आमा भिमकुमारी गुरुङ, छोरा अङ्कित गुरुङ, सामाजिक अभियान्ता लक्ष्मीभक्त खनाल, व्यास युथ क्लवका अध्यक्ष मिनबहादुर गुरुङले सामूहिक रुपमा मिर्गौला पीडितलाई हस्तान्तरण गर्नुभएको छ ।
व्यास युथ क्लवले मिर्गौला पीडितलाई सहयोग जुटाउन अभियान सञ्चालन गरेको छ । मिर्गौला पीडितलाई सहयोग गरेकामा क्लवले गुरुङ परिवारप्रति आभार व्यक्त गरेको छ ।
