निष्पक्ष र विश्वसनीय खबरको सँगालो 
Khabar Punja
१९ मंसिर २०८२, शुक्रबार
दमाैली, ११ असाेज । तनहुँको ऋषिङ गाउँपालिका–८ धारुङ गौरीगाउँस्थित दृष्टिविहिन सोलुमाया आलेलाई सहयोग जुटाएर ल्यापटप हस्तान्तरण गरिएको छ । जन्मजात दृष्टिविहिन आलेलाई अध्ययनमा सघाउने उद्धेश्यसहित विभिन्न व्यक्तिबाट रकम जुटाएर ल्यापटप सहयोग गरिएको हो ।
‘दृष्टिविहिन सोलुमाया आलेका लागि ल्यापटप अभियान’ सञ्चालन गरी रु एक लाख ६५ हजार नौ सय ५० सङ्कलन भएको स्थानीय अगुवा इन्द्रबहादुर आलेले जानकारी दिए । डेढ महिनाअघि सुरु गरिएको अभियानका लागि ३२ जनाबाट रकम सङ्कलन भएको उनले बताए ।
सङ्कलित रकममध्ये रु ५४ हजार पाँच सयमा ल्यापटप खरिद गरिएको छ । बाँकी रु एक लाख ११ हजार चार सय ५० मध्ये रु एक लाख आलेको खातामा जम्मा गरिएको छ भने रु ११ हजार चार सय ५० नगदै आज निजको घरमा पुगेर ल्यापटप सहित हस्तान्तरण गरिएको छ ।
आले हाल पृथ्वीनारायण क्याम्पस पोखरामा बिएड दोस्रो वर्षमा अध्ययनरत हुनुहुन्छ । यस अभियानका लागि सबैभन्दा बढी रकम हाल अमेरिका निवासी प्राध्यापक बीके रानाले रु ५१ हजार पाँच सय ५६ सहयोग गरेका थिए ।
