निष्पक्ष र विश्वसनीय खबरको सँगालो 
Khabar Punja
२६ फाल्गुन २०८२, बुधबार
काठमाडौ, २६ फागुन। भारतीय प्रधानमन्त्री नरेन्द्र मोदीसँग सोमबार भएको टेलिफोन संवादको करिब २० घण्टापछि राष्ट्रिय स्वतन्त्र पार्टीका वरिष्ठ नेता बालेन्द्र साहले धन्यवाद दिएका छन्।
रास्वपा सभापति रवि लामिछाने र बालेनसँग टेलिफोन संवाद भएको पुष्टि मोदीले सोमबार नै गरिसकेका छन् । त्यसलगत्तै रविले ट्विट गर्दै मोदीसँग विभिन्न चार प्रमुख विषय उठाएको पनि बताएका छन्।
तर भावी प्रधानमन्त्रीका रुपमा हेरिएका बालेन्द्रले बल्ल मंगलबार साँझ सवा ६ बजे मोदीलाई ट्विटमा मेन्सन गर्दै जवाफ फर्काएका हुन् । उनले मोदीलाई मेन्सन गर्दै टेलिफोन संवादका लागि धन्यवाद दिएका छन् ।
‘धन्यवाद छ, शुभकामनाका लागि, सम्माननीय प्रधानमन्त्री नरेन्द्र मोदीज्यू’, उनले भने, ‘नेपाल–भारत विद्यमान ऐतिहासिक, घनिष्ठ तथा बहुआयामिक सम्बन्धलाई आगामी दिनहरूमा अझ सुदृढ, प्रगाढ र परिणाममुखी बनाउन हामी सँगै सहकार्य गर्ने विश्वास व्यक्त गर्दछु।’
बालेन्द्रले मोदीसँग के के कुराकानी भयो भन्ने केही पनि खुलाएका छैनन् । बरू उनले लगातार दोस्रो पटक टी-२० क्रिकेट विश्वकपको उपाधि जितेको भन्दै बधाई दिएका छन् ।
