निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
तनहुँ । तनहुँको भानु नगरपालिकाले खडा गरेको प्रकोप व्यवस्थापन कोषमा नेपाल कम्युनिष्ट पार्टी (नेकपा) भानु नगर कमिटीले रु एक लाख एक हजार एक सय १५ आर्थिक सहयोग गरेको छ । कोभिड–१९ को जोखिम न्यूनीकरणका लागि नगरपालिकाले खडा गरेको कोषमा नेकपाले उक्त रकम सहयोग गरेको हो ।
नगर कमिटीका अध्यक्ष प्रेम रानाले भानु नगरपालिकाका प्रमुख उदयराज गौलीलाई उक्त रकम मङ्गलबार हस्तान्तरण गर्नुभएको छ । रकम हस्तान्तरण गर्दै थापाले विपद्को सामना गर्नका लागि सबै सरोकारवालाले हातेमालो गर्नुपर्ने बताउनुभयो । रकम ग्रहण गर्दै नगरप्रमुख न्यौपानेले विपद्को अवस्थामा सहयोग गरेकामा नेकपालाई धन्यवाद ज्ञापन गर्नुभयो ।
नगरपालिकाले खडा गरेको उक्त कोषमा विभिन्न राजनीतिक दल, सङ्घसंस्था लगायतले सहयोग गर्दै आइरहेका छन् । उक्त कोषमा नगरपालिकाले रु ५० लाख विनियोजन गरेको थियो । यस्तै स्थानीय पूर्वाधार विकास कार्यक्रम अन्तर्गतको खर्च हुन नसकेको रु ५५ लाख बजेट पनि सोही कोषमा जम्मा गरिएको छ ।
