निष्पक्ष र विश्वसनीय खबरको सँगालो 
Khabar Punja
७ असार २०८१, शुक्रबार
तनहुँ । चितवन समाज जापान कान्साई क्षेत्रीय समितिले तनहुँको देवघाट गाउँपालिकामा सञ्चालित देवघाट समाज कल्याण केन्द्र (वृद्धाश्रम) लाई रु एक लाख एक हजार एक सय ११ सहयोग गरेको छ ।
देवघाट क्षेत्र विकास समितिद्वारा सञ्चालित वृद्धाश्रममा अक्षयकोष स्थापनाका लागि समाजले उक्त रकम सहयोग गरेको हो । उक्त रकम प्रदान गरे बापत समाजलाई वृद्धाश्रमको आजीवन सदस्यता प्रदान गरिएको छ ।
कार्यक्रममा देवघाट क्षेत्र विकास समितिका अध्यक्ष एवं वृद्धाश्रमका संरक्षक शिवराज पौडेल, समितिका कार्यकारी निर्देशक एवं वृद्धाश्रमका अध्यक्ष धिरणबाबु घिमिरे लगायतले सहयोगप्रति आभार व्यक्त गर्नुभयो । वृद्धाश्रममा रहेका वृद्धवृद्धालाई विभिन्न सङ्घसंस्था तथा व्यक्तिहरुले भोजन गराउनुका साथै सहयोग गर्दै आइरहेका छन् ।
