निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ । तनहुँको व्यास नगरपालिका–४ निवासी सन्जु घलेले जन्मदिनको अवसरमा चापाघाटस्थित वेदव्यास ज्येष्ठ नागरिक आश्रमलाई शनिबार सहयोग गर्नुभएको छ । । जन्मदिन मनाउँदा हुने फजुल खर्च जोगाएर घलेले आश्रममा खाद्यान्न सहित रु तीन हजार सहयोग गर्नुभएको हो । सो अवसरमा घलेले आश्रमका वृद्धवृद्धासँग जन्मदिन मनाउनुभएको थियो ।
जन्मदिनको अवसरमा आश्रमलाई सहयोग गरेकामा आश्रमकी कार्यवाहक अध्यक्ष शकुन्तला आलेले धन्यवाद ज्ञापन गर्नुभयो । विभिन्न व्यक्ति तथा सङ्घसंस्थाले आश्रमलाई सहयोग गर्न थालेपछि आश्रम सञ्चालनका लागि सहयोग पुगेको आलेले बताउनुभयो । उक्त आश्रममा ६ जना ज्येष्ठ नागरिक छन् ।
यसैबीच रोट¥याक्ट क्लब अफ वेदव्यास क्लब गठन गरिएको छ । दमौलीमा रहेका क्रियाशिल महिलाहरुको सहभागितामा सन्जु घलेको अध्यक्षतामा क्लब गठन गरिएको हो । क्लबमा आकृति पुडासैनी, स्वीकृति पुडासैनी, मुना गुरुङ, शोभाना गुरुङ, विविशा पौडेल, सीना गैह्रे, आश्रित श्रेष्ठ, सिर्जित पुन, अविक्षा खड्का, एलिशा परियार, अर्चना परियार र सरु गुरुङ छन् ।
