निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ । डि आर सुजनकाे “मेरो बाबा” म्युजिक भिडियो सार्वजनिक भएको छ । समाजमा घटेका घटनालाई समेटेर नितान्त जीवनमा आमाबुवाको आवश्यकता के कति हुन्छ भन्ने कुरालाई चित्रण गरेर दर्जनौ कलाकारहरुको स्वरमा रहेको गीत सार्वजनिक भएको हाे । जुन गीतमा डि.आर सुजनले परिकल्पना तथा रचना गर्नुभएकाे छ ।
गीत संगीतको व्यापक माहोलमा ‘फुली नाकैमा’ गीतको चर्चा सेलाउन नपाउदै डि.आर सुजन आफैले निर्देशन, संगीत,शब्द, तथा अभिनय समेत गरेको म्युजिक भिडियो ‘दुखि बाहुन’ले पनि निकै चर्चा कमाएकाे थियाे ।
नेपालका ख्यातिप्राप्त १६ जना कलाकारको स्वर रहेको आमाबुवाको मायाले ओतप्रोत गीत ‘मेरा बाबा’ मा चर्चित गायक गायिकाहरु पशुपति शर्मा,पुरुषाेत्तम न्यौपाने, खुमन अधिकारी, तारानाथ आचार्य,शम्भु कुवर,मौशम गुरुङ,किसन नेपाली, डि.आर.सुजन,रञ्जन कार्की,टेक नारायण चापागाई,नारायण भट्टाराई लगायतको स्वर रहेको छ ।
उक्त गीतमा लेखान्त भुसाल,डि.आर.सुजन,दिवाकर भण्डारी,साया भण्डारी,सुरवीर पण्डित,रमा थपलिया,कृष्ण मगल श्रेष्ठ, मणि कुमार राई लगायतका कलाकारले अभिनय गर्नुभएकाे छ ।
