Khabar Punja

काठमाडौं : प्रधानमन्त्री केपी शर्मा ओलीले कोरोना भाइरसबाट संक्रमित बनेका अमेरिकी राष्ट्रपति डोनाल्ड ट्रम्पलाई स्वास्थ्यलाभको कामना गर्नुभएको छ । प्रधानमन्त्री ओलीले सामाजिक सञ्जाल ट्वीटरमार्फत राष्ट्रपति ट्रम्प र उहॉकी श्रीमतीलाई शीघ्र स्वास्थ्यलाभको कामना गर्नुभएको हो।

शुक्रबार कोरोना संक्रमण पुष्टि भएका राष्ट्रपति ट्रम्प अस्पताल भर्ना हुनुभएको छ । ट्रम्पलाई वाल्टर नेसनल मिलिटरी मेडिकल सेन्टरमा सारिएको बताएको छ। ज्वरो आएपछि कोरोना परीक्षण गर्दा शुक्रबार राष्ट्रपति ट्रम्प र उहॉकी श्रीमती मेलेनिया ट्रम्पलाई कोरोना संक्रमण पुष्टि भएको थियो।