निष्पक्ष र विश्वसनीय खबरको सँगालो 
Khabar Punja
१० आश्विन २०८१, शुक्रबार
तनहुँ : तनहुँकाे शुक्लागण्डकी नगरपालिकाका प्रमुख र उपप्रमुखले दशैं भत्ता फिर्ता गर्नुभएको छ । बुधबार प्रमुख किसान गुरुङ र उपप्रमुख सविता रसाईलीले दशैं भत्तामा पाएको ३० हजार रुपैयाँ प्रमुख प्रशासकीय अधिकृत गङ्गागाल सुवेदीलाई फिर्ता गर्नुभएकाे हाे । उक्त रकम कोरोना राहत कोषमा जम्मा हुनेछ ।
कोरोनाको महामारी फैलिएको बेला आफुूहरुले दशैमा भत्ता लिनु उचित नभएकाले फिर्ता गरेको नगर प्रमुख गुरुङले बताउनुभयो । “कोरोना नियन्त्रण र व्यवस्थापनामा हामीले फिर्ता गरेको रकमले थोरै भएपनि सहयोग पुग्नेछ,” गुरुङले भन्नुभयो, “जनप्रतिनिधि सदैव जनताको हितमा सर्मपित हुनुपर्छ ।’ विपद्को बेला जनताले आलोचना गर्नेगरी भत्ता लिन आवश्यक नरहेको उपप्रमुख रसाईलीले बताउनुभयो ।
