निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ : नेपाली काङ्ग्रेसका केन्द्रीय सदस्य गाेविन्द भट्टराईले संसद विघटन गर्ने कार्य निरकुंशताकाे सङ्केत भएकाे दावी गर्नुभएकाे छ । नेपाली काङ्ग्रेस तनहुँ क्षेत्र नं १ (क) अन्तरगत शनिबार भानु नगरपालिकाकाे बाइसजाँगरमा आयाेजित विराेध सभालाई सम्बाेधन गर्दै भट्टराईले संविधानकाे रक्षा साथै लाेकतान्त्रिक व्यवस्थाकाे रक्षाका लागि काङ्ग्रेस आन्दाेलनमा उत्रिएकाे बताउनुभयाे ।
ओली सरकारको नियोजित शक्ति संञ्चयको सिलसिलासँगै संविधानमा हुँदै नभएको प्रावधानलाई टेकेर असंवैधानिक र अलोकतान्त्रिक चरित्र प्रदर्शन गरेकाे भट्टराईले आराेप लगाउनुभयाे ।
कार्यक्रममा संविधानसभा सदस्य रामचन्द्र पाेख्रेल, पार्टीका जिल्ला सचिव लक्ष्मी आचार्य, महासमिति सदस्य आनन्दराज त्रिपाठी, व्यास नगर सभापति शान्तिरमण वाग्ले लगायतले एउटा पार्टीको आन्तरिक झगडाले देश र लोकतान्त्रिक व्यवस्थालाई नै समाप्त पार्ने बाटो अङ्गाल्नु गलत भएकाे बताउनुभयाे ।
