निष्पक्ष र विश्वसनीय खबरको सँगालो 
Khabar Punja
१३ असार २०८२, शनिबार
पाेखरा : गण्डकी प्रदेशमा कोरोना थप २ जना कोरोना संक्रमितको मृत्यु भएको छ । प्रदेश स्वास्थ्य निर्देशनालयले पर्वत र स्याङ्जाका १/१ संक्रमितको मृत्यु भएको पुष्टि गरेको हो ।
मृत्यु हुनेमा स्याङ्जाको गल्याङ नगरपालिका ११ का ५० वर्षीय पुरुष र पर्वतको जलजला गाउँपालिका ७ का ८४ वर्षीय पुरुष रहेको प्रदेश स्वास्थ्य निर्देशक डा. विनोदविन्दु शर्माले जानकारी दिनुभयाे । स्याङ्जाका संक्रमितको पोखरा स्वास्थ्य विज्ञान प्रतिष्ठानमा र पर्वतका संक्रमितको मणिपाल शिक्षण अस्पताल बुधबार राति मृत्यु भएको हो ।
योसहित गण्डकीमा कोरोनाबाट मृत्यु हुनेको संख्या २३७ पुगेको छ । प्रदेशमा संक्रमितको संख्या २० हजार ४ पुगेको छ । तीमध्ये १७ हजार ७२ जना निको भएका छन् ।
