निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
तनहुँ : तनहुँको ऋषिङ गाउँपालिका–४ मधुवनस्थित भित्री सडखकण्डमा बिहीबार ट्याक्टर दुर्घटना हुँदा एक जनाको मृत्यु भएको छ भने दुई जना घाइते भएका छन् ।
ना ६ त ४२०७ नम्बरको ट्याक्टर अनियन्त्रित भई दुर्घटना हुँदा ट्याक्टरमा सवार ऋषिङ गाउँपालिका–४ बस्ने २५ वर्षीय वीरबहादुर बोटेको मृत्यु भएको हो । दुर्घटनामा सोही ठाउँ बस्ने १२ वर्षीय तिलक श्रेष्ठ र १८ वर्षीय सुन्दर श्रेष्ठ घाइते भएका छन् ।
वीरबहादुरको बेलचौतारास्थित जिपी कोइराला श्वासप्रश्वास उपचार केन्द्रमा उपचारको क्रममा मृत्यु भएको प्रहरीले जनाएको छ । ट्याक्टर चालक प्रहरी नियन्त्रणमा छन् ।
