निष्पक्ष र विश्वसनीय खबरको सँगालो 
Khabar Punja
५ पुष २०८२, आईतवार
दमाैली : व्यास नगरपालिकाले दुम्सीबजारमा स्थापना गर्न लागेको पिसिआर प्रयोगशालाका लागि कर्मचारीले तलब सहयोग गरेका छन् । व्यास नगरपालिका अन्र्तगत विभिन्न शाखा तथा उपशाखामा कार्यरत कर्मचारीहरुले प्रयोगशालाका लागि रु ६ लाख सहयोग गरेका हुन् ।
अधिकृत तहमाथिका कर्मचारीबाट पाँच दिन, सहायक स्तरका कर्मचारीबाट तीन दिन र श्रेणीविहिन कर्मचारीबाट एक दिन बराबरको तलब प्रदान गर्ने निर्णय भएको नगरपालिकाका उपसचिव नगेन्द्रप्रसाद रेग्मीले जानकारी दिनुभयो ।
यसअघि नगरपालिकाका जनप्रतिनिधिले पनि एक महिना बापतको पारिश्रमिक रकम प्रयोगशालालाई सहयोग गर्ने निर्णय गरिसकेका छन् । जसबापत करिब रु १२ लाख जम्मा हुने नगरपालिकाका लेखा अधिकृत हेमन्त गुरुङले जानकारी दिनुभयो ।
