Khabar Punja

दमौली : मालपोत कार्यालय तनहुँले बार अनुसार सर्वसाधारणलाई सेवा प्रवाह गर्ने भएको छ । जिल्ला सङ्कट व्यवस्थापन केन्द्र तनहुँले असार २० गतेदेखि सरकारी कार्यालयका सेवा सुचारु गर्ने निर्णय गरेसँगै मालपोतले बार अनुसारको तालिका सार्वजनिक गरेको हो ।

मालपोत अत्याधिक भीडभाड हुने कार्यालय भएकाले सेवा प्रवाह गर्दा स्वास्थ्य मापदण्ड अपनाइने कार्यालय प्रमुख चिरञ्जीवि पौडेलले बताउनुभयो । जिल्लाका दश वटै स्थानीय तहलाई बार अनुसार सेवा प्रवाह गरिने उहॉले बताउनुभयो ।

कार्यालयका अनु्सार आइतबार र सोमबार व्यास, मङ्गलबार शुक्लागण्डकी, बुधबार भिमाद, ऋषिङ, म्याग्दे, बिहीबार भानु, देवघाट, घिरिङ र शुक्रबार बन्दीपुर र ऑबुखैरेनीका सर्वसाधारणलाई सेवा दिइनेछ ।

बारअनुसार पालिका छुट्याउँदा कार्यालयमा सेवाग्राहीको भीड कम भई सङ्क्रमणको जोखिम न्यून हुने भएकाले यो विधि अपनाइएको उहाँले बताउनुभयो । जिल्ला प्रशासन कार्यालयले असार २६ गतेसम्म जारी रहेको निषेधाज्ञालाई लम्ब्याएर यही असार २४ गतेसम्म पुर्याएको छ । तर असार २० गतेदेखि जिल्लाका सबै सरकारी कार्यालय खुल्नेछन् ।