निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
तनहुँ : तनहुँको बन्दीपुरका बाढीपहिरो पीडितलाई बन्दीपुर बजारमा रहेको हिमालय एसेस होटलले निशुल्क गास र बासको व्यवस्था गर्ने भएको छ ।
केही दिनदेखि परेको वर्षाका कारण बन्दीपुर-३ तामुङमा बिहीबार आएको पहिरोका कारण दुई जनाको मृत्यु भएको छ भने तीन जना घाइते भएका छन् । पहिरोका कारण यहॉका अन्य वडामा पनि घर जोखिममा परेको छ । बाढीपहिरो पीडितलाई हिमालय एसेस होटलले निशुल्क खाना तथा बस्ने व्यवस्था मिलाएको होटलका सञ्चालक बसन्त पौडेलले जानकारी दिनुभयो ।
“पहिरोका उच्च जोखिममा रहेका जुनसुकै वडाका वासिन्दालाई वर्षा नरोकिएसम्म खाना र बस्न निशुल्क व्यवस्था गरेका छौ,” उहॉले भन्नुभयो । युवासङ्घ नेपाल तनहुँका सचिवालय सदस्य समेत रहनुभएका पौडेलले विपद्को घडीमा सहयोग गर्नु मानवीय दायित्व भएको उल्लेख गर्नुभयो ।
