निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
तनहुँ : नेपाली काङ्ग्रेस तनहुँले जिल्लामा बाढीपहिरोको घटनाप्रति दुःख व्यक्त गरेको छ । बन्दीपुर गाउँपालिका–३ तामुङमा पहिरोले मृत्यु भएका परिवारलाई सान्त्वना दिँदै काङ्ग्रेस तनहुँले धैर्यधारण गरी आवश्यक सजकता अपनाउन अपिल गरेको छ ।
जिल्ला सचिव विश्व बाँस्तोलाले शुक्रबार प्रेस विज्ञप्तीमार्फत् जनधनको क्षति भएकामा दुःख व्यक्त गर्नुभएको छ । प्राकृतिक विपत्तिको अवस्थामा क्षतिको विवरण स्थानीय तहमार्फत् सङ्कलन गर्नुका साथै राहत र उद्धार कार्यमा सक्रियतापूर्वक लाग्न पार्टीका सबै कार्यकर्तालाई काङ्ग्रेसले आह्वान गरेको छ ।
साथै छाब्दीखोला पुल लगायतका संरचना तत्काल निर्माण गरी पीडितहरुको उद्धार, राहत र पुनस्थापनाका कार्य तत्काल प्रभावकारी रुपमा गर्न सङ्घीय सरकार, प्रदेश सरकार र स्थानीय सरकारलाई काङ्ग्रेसले अनुरोध गरेको छ ।
बिहीबार आएको पहिरोले जिल्लामा दुई जनाको मृत्यु भएको छ भने सात जना घाइते भएका छन् । त्यस्तै थुप्रै पशुचौपाया बगाएका छन् ।
