निष्पक्ष र विश्वसनीय खबरको सँगालो 
Khabar Punja
१८ फाल्गुन २०८१, सोमबार
दुलेगौडा : अविरल वर्षासँगै आएको पहिरोबाट पीडित शुक्लागण्डकी-८ का दुई परिवारलाई खाद्यान्न र पॉच परिवारलाई त्रिपाल उपलब्ध गराइएको छ ।
पहिरोले घरसँगै खाद्यान्न र लत्ताकपडा पुरिएका मिलीजुली टोलका एक र अति विपन्न एक परिवारलाई एक महिनाका लागि पुग्ने गरी खाद्यान्न उपलब्ध गराइएको वडाध्यक्ष कृष्णप्रसाद रेग्मीले जानकारी दिनुभयो ।
त्यस्तै छिमेकीको घरमा स्थानान्तरण गरिएका पॉच परिवारका लागि त्रिपाल उपलब्ध गराइएको छ । रेडक्रस सोसाइटी ढोरफिर्दीका सभापति विपिन्द्र सेनको उपस्थितिमा पीडित परिवारलाई सदस्य एवं मिलिजुली टोल विकास संस्थाका अध्यक्ष शिवकुमारी श्रेष्ठलाई उक्त सामग्री हस्तान्तरण गरिएको रेग्मीले जानकारी दिनुभयो ।
“तत्कालका लागि चुल्हो बाल्ने प्रयास गरेका छौ, झरी रोकिनासाथ दीर्घकालिन समाधान खोजिनेछ,” उहॉले भन्नुभयो ।
