निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
ऑबुखैरेनी : पृथ्वीराजमार्ग अन्तर्गत तनहुँको आँबुखैरेनी गाउँपालिका–२ एक्लेफाँटमा आज दिउँसो भएको दुर्घटनामा मोटरसाइकल चालकको मृत्यु भएको छ ।
आँबुखैरेनीबाट डुम्रेतर्फ आउँदै गरेको ना ६ ख ६११८ नम्बरको ट्रक र विपरित दिशाबाट जाँदै गरेको लु ८ प ८३५३ नम्बरको मोटरसाइकल ठक्कर खाँदा मोटरसाइकल चालकको मृत्यु भएको हो ।
मृत्यु हुनेमा सोही ठाउँस्थित मार्कीचोक बस्ने ३१ वर्षीय दुर्गा भुजेल रहेको प्रहरी नायब उपरिक्षक युवराज तिमिल्सिनाले जानकारी दिनुभयो । दुर्घटनामा मोटरसाइकलमा सवार १७ वर्षीय साजन भुजेल घाइते भएका छन् । घाइतेको आँबुखैरेनीस्थित हाडजोर्नी अस्पतालमा उपचार भइरहेको छ । ट्रक चालक प्रहरी नियन्त्रणमा छन् । मृतकको शव पोष्टमार्टका लागि दमौली अस्पताल ल्याइएको छ ।
तस्वीर : किरण गिरी
