निष्पक्ष र विश्वसनीय खबरको सँगालो 
Khabar Punja
१५ चैत्र २०८१, आईतवार
म्याग्दे : पृथ्वीराजमार्ग अन्तर्गत तनहुँको म्याग्दे गाउँपालिका–६ अकलामा सडकमै खोला बगेपछि राजमार्ग अवरुद्ध भएको छ । बुधबार रातिदेखि परेको वर्षाका कारण म्याग्दे खोला बढेर राजमार्गमै बगेपछि आज बिहानदेखि सडक अवरुद्ध भएको हो ।
राजमार्ग अवरुद्ध हुँदा बिहानैदेखि यात्रु अलपत्रमा परेको व्यास नगरपालिका–४ निवासी सुशान्त अधिकारीले जानकारी दिनुभयो । खोलाको बहाव नघटेकाले वारपार गर्न समस्या भएको उहाँले बताउनुभयो । वर्षा भइरहेको र खोलाको बहाव नघटेसम्म यात्रा गर्न कठिन रहेको उहाँको भनाई छ ।
Video : https://fb.watch/v/1qPXB2wO7/
थर्पुमा सुचारु
यस्तै म्याग्दे गाउँपालिका–४ स्थित थर्पु बजारमा खोलाले बगाएर ल्याएको गेग्रान थुपिँदा अवरुद्ध भएको सडक सुचारु भएको छ । जेसीभीले गेग्रान हटाएर बिहान ९ः४५ देखि राजमार्ग सुचारु गरिएको प्रहरीले जनाएको छ ।
