निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
तनहुँ : प्रहरीले लागुऔषध र अभद्र व्यवहार मुद्दामा फरार रहेका प्रतिवादी पक्राउ गरेको छ । जिल्ला अदालतबाट कैद र जरीवाना तोकिएका दुई फरार प्रतिवादीलाई प्रहरीले पक्राउ गरेको हो ।
लागुऔषध मुद्दामा फरार रहेका शुक्लागण्डकी नगरपालिका–२ गाछेपानी बस्ने २४ वर्षीय आशिष श्रेष्ठ पक्राउ परेका छन् । श्रेष्ठलाई जिल्ला अदालत तनहुँले विसं २०७७ फागुन २६ गते दुई महिना २९ दिन कैद र रु १२ हजार जरीवानाको फैसला सुनाएको थियो ।
अभद्र व्यवहार समेत विविध मुद्दाका फरार शुक्लागण्डकी नगरपालिका–९ घारी बस्ने २५ वर्षीय अर्जुन भुजेल पक्राउ परेका छन् । निजलाई जिल्ला अदालत तनहुँले विसं २०७७ चैत २६ गते एक महिना २६ दिन कैद र रु दुई हजार जरीवानाको फैसला सुनाएको थियो ।
पक्राउ परेका दुवैलाई आवश्यक कारवाहीका लागि अदालत उपस्थित गराइएको प्रहरी नायब उपरिक्षक युवराज तिमिल्सिनाले जानकारी दिनुभयो । फरार प्रतिवादी पक्राउ अभियानलाई प्रहरीले विशेष प्राथमिकता दिएको छ ।
