निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
तनहुँ : बाढीपीडितलाई तनहुँको बन्दीपुर गाउँपालिकाले राहत वितरण गरेको छ । बन्दीपुर-२ खहरेका बाढीपीडितलाई गाउँपालिकाले बिहीबार खाद्यान्न, कम्बल र त्रिपाल वितरण गरेको हो ।
बुधबार रातिदेखि परेको वर्षाले खहरेखोला बढेर यहॉका घरमा क्षति पुर्याएको छ । तत्काल सम्बोधनका लागि दश परिवारका लागि ६ बोरा चामल, १२ थान कम्बल र १० थान त्रिपाल वितरण गरिएको गाउँपालिकाका अध्यक्ष पूर्णसिं थापाले जानकारी दिनुभयो ।
घर छाडेर समूहको भवनमा आश्रय लिएका परिवारलाई राहत वितरण गरिएको उहॉले बताउनुभयो । उहॉका अनुसार बस्ती सुरक्षित गर्नका लागि खोला व्यवस्थापन गरिएको छ । बाढीले खहरेमा ४८ घर जोखिममा परेको छ ।
अझै पनि वर्षाको सम्भावना रहेकाले जोखिम क्षेत्रका वासिन्दालाई सुरक्षित रहन आग्रह गरिएको उपाध्यक्ष करुणा गुरुङले जानकारी दिनुभयो ।
