निष्पक्ष र विश्वसनीय खबरको सँगालो 
Khabar Punja
२५ कार्तिक २०८१, सोमबार
दुलेगाैडा : तनहुँको भिमाद नगरपालिका–३ शेर्घामा शुक्रबार ट्याक्टर दुर्घटना हुँदा एक जनाको मृत्यु भएको छ । भिमाददेखि घिरिङतर्फ जाँदै गरेको लु ४ प ७२०७ नम्बरको ट्याक्टर अनियन्त्रित भई दुर्घटना हुँदा एक जनाको मृत्यु भएको प्रहरीले जनाएको छ ।
सडकबाट अन्दाजी २० फिट तल खस्दा घिरिङ गाउँपालिका–१ बस्ने ५३ वर्षीय यदुराज घिमिरेको मृत्यु भएको इलाका प्रहरी कार्यालय बेलचौताराका प्रहरी निरीक्षक ज्ञानबहादुर खड्काले जानकारी दिनुभयो । मृतकको शव ट्याक्टरले च्यापिएको अवस्थाबाट निकालिएको छ ।
दुर्घटनामा सोही ठाउँ बस्ने ट्याक्टर चालक २८ वर्षीय ऋषि अधिकारी घाइते भएका छन् । उनलाई थप उपचारका लागि पोखरा पठाइएको छ । ब्रेक फेल भएर ट्याक्टर दुर्घटना भएको प्रहरीको अनुमान छ ।
