निष्पक्ष र विश्वसनीय खबरको सँगालो 
Khabar Punja
१३ माघ २०८१, सोमबार
दमौली : लायन्स क्लव अफ तनहुँ व्यास सिटीमा पद हस्तान्तरण गरिएको छ । वर्ष २०२१/२२ का अध्यक्ष प्रदीप मल्ललाई अध्यक्षको पद हस्तान्तरण गरिएको छ।
शनिबार आयोजित कार्यक्रममा २०२०/२१ का अध्यक्ष कुमार मल्लले २०२१/२२ का अध्यक्ष प्रदीप मल्ललाई पद हस्तान्तरण गर्नुभयो । वर्ष २०२१/२२ का लागि क्लवको प्रथम उपाध्यक्षमा अन्जु दाहाल, द्वितीय उपाध्यक्षमा सुकनारायण मल्ल, तृतीय उपाध्यक्षमा एकप्रसाद श्रेष्ठ, सचिवमा शान्ता बास्तोला र कोषाध्यक्षमा राजु गोशली चयन हुनुभएको छ ।
कार्यक्रममा लायन्स क्लव ३२५ वि १ का डेपुटी चिफ एड्भाइजर चुडामणि दाहाल, डिपार्टमेन्ट चिफ राजकुमार श्रेष्ठको उपस्थिति थियो।
पदभार ग्रहणसँगै एकल महिलालाई सहयोग
क्लवका पदाधिकारी पदभार ग्रहणसँगै एकल महिलालाई खाद्यान्न वितरण गर्न पुगेका छन् । क्लवले व्यास-४ निवासी ७० वर्षीया महिलालाई खाद्यान्न सहयोग गरेको हो ।
क्लवले यो वर्षभर सहाराविहिन एकल महिलालाई सहयोग गर्ने निर्णय गरेको छ ।
