निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दमौली : विश्व पोलियो दिवस (अक्टोबर २४) को अवसरमा आइतबार दमौलीमा सचेतनामूलक र्याली निकालएको छ । रोटरी क्लव अफ दमौलीको आयोजनामा दिवसको अवसरमा सचेतनामूलक र्याली निकालिएको हो ।
व्यास नगरपालिका-३ अनसन चौतारीबाट शुरु भएको र्याली सफासडक, मुख्यचोक हुँदै बजारका विभिन्न भाग परिक्रमा गरी पुन: अनसन चौतारीमा पुगेर समापन भएको थियो । र्यालीमा सहभागीहरुले पोलियो थोपा खुवाऔ पोलियो भगाऔ, पोलियो उन्मूलन गरौं, किकआउट पोलियो लगायतका नारा लेखिएका प्लेकार्ड बोकेका थिए ।
रोटरी क्लवले पोलियो उन्मुलनका लागि विभिन्न क्रियाकलाप सञ्चालन गर्दै आएको क्लवका अध्यक्ष दिनेशकुमार श्रेष्ठले जानकारी दिए ।
र्यालीपछि आयोजित कार्यक्रममा व्यास नगरपालिकाका प्रमुख वैकुण्ठ न्यौपाने, प्रमुख जिल्ला अधिकारी विश्वप्रकाश अर्याल लगायतले पोलियो उन्मुलनका लागि सामूहिक प्रयास आवश्यक रहेको बताए ।
