निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
दमौली : नेकपा एमालेका स्थायी कमिटी सदस्य किरण गुरुङको अब हुने तीन तहको निर्वाचनमा एमालेको बहुमत आउने दावी गरेका छन् । नेकपा एमाले व्यास नगर कमिटीको आज आयोजित अधिवेशनको उद्घाटन गर्दै गुरुङले आगामी सबै निर्वाचनमा एमालेको बहुमत आउने बताए।
एमाले कमजोर नभएको भन्दै गुरुङले एमालेलाई कमजोर बनाउन खोज्नेहरु आफै पतन भएर जाने बताए । एमालेको नेतृत्व सरकारले गरेका कामहरु ऐतिहासिक भएको हुँदा जनतामा जाँदा ती कामको प्रचार गर्नुपर्ने गुरुङले बताए ।
पूर्वमन्त्री समेत रहेका गुरुङले एमाले नै देशको मूलधार भएको भन्दै भने, “एमालेले हिँड्ने बाटो नै मूल बाटो हो ।” विगतमा व्यास नगर कमिटीमा राख्ने कार्यकर्ता नपाउने अवस्थामा अहिले अध्यक्षमा मात्रै सात जना आकाङ्क्षी देखिनु सकारात्मक भएको भन्दै गुरुङले अबको स्थानीय तहको निर्वाचनमा व्यास नगरमा पनि एमालेले जित्नुपर्ने बताए । अब एमालेमा कुनै गुट उपगुट नभएको हुँदा सकेसम्म सर्वसम्मत रुपमा नेतृत्व चयन गर्नुपर्ने गुरुङको सुझाव थियो ।
