निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
दमाैली । व्यास नगरपालिकाले फोहरमैला व्यवस्थापनका लागि फेरि कार्यदल गठन गरेको छ । यसअघि पनि पटक–पटक कार्यदल गठन गरी जग्गा खोज्ने निर्णय गरेको नगरपालिकाले नयाँ जनप्रतिनिधि आएपछि पुनः कार्यदल गठन गर्ने निर्णय गरेको हो ।
नगरपालिका अन्तरगत सरसफाईलाई दीर्घकालिन व्यवस्थापन गर्न आवश्यक जग्गा खरिद एवं ऐलानी, प्रति जग्गाको सदुपयोग गर्न व्यास २ का वडाध्यक्ष काशीराम श्रेष्ठको संयोजकत्वमा कार्यदल गठन गरिएको छ । कार्यदलको सदस्यमा व्यास ४ का वडाध्यक्ष मनबहादुर गुरुङ, ३ का वडाध्यक्ष अनुप राना, यज्ञ शर्मा, दुई जना प्राविधिक रहेका छन् भने सदस्य सचिवमा सरसफाई शाखा प्रमुख कृष्णराज घिमिरे रहेका छन् ।
नगरपालिकाले यसअघि पनि नगरक्षेत्रभित्रका जग्गा खोजी गर्न समिति गठन गरेको थियो । नगरपालिकालाई फोहरमैला व्यवस्थापन टाउको दुखाई बन्दै आएको छ ।
