निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमाैली । नेपाली काङ्ग्रेसका वरिष्ठ नेता रामचन्द्र पौडेलले मङ्सिर ४ गते हुने निर्वाचनमा तनहुँ क्षेत्र नम्बर १ बाट उम्मेदवार बन्न पार्टीभित्र आवेदन दर्ता गराएका छन् । आकाङ्क्षी उम्मेदवारका लागि आवेदन खुला गरिएकामा वरिष्ठ नेता पौडेलले तनहुँ क्षेत्र नम्बर १ बाट प्रतिनिधिसभा सदस्यका लागि आवेदन दर्ता गराएका हुन् ।
वरिष्ठ नेता पौडेलले भतिज उद्धव पौडेलमार्फत् नेपाली काङ्ग्रेस क्षेत्रीय कार्यसमितिको कार्यालयमा आवेदन दर्ता गराएका हुन् । सुशासन, पारदर्शीता र गाउँको विकासलाई प्राथमिकता दिन आफू उम्मेदवार बन्न इच्छुक रहेको उल्लेख गरेका छन् ।
नेपाली काङ्ग्रेसको नेतृत्वमा रहेको पाँच दलीय गठबन्धनका संयोजक समेत रहेका पौडेल २०७४ सालको निर्वाचनमा तनहुँ क्षेत्र नम्बर १ बाट पराजित भएका थिए । केही समय अगाडी गृहजिल्ला आउँदा पौडेलले आफू क्षेत्र नम्बर १ बाटै उम्मेदवार बन्ने बताएका थिए ।
तनहुँ क्षेत्र नम्बर १ को प्रतिनिधिसभाका लागि साेमबारसम्म केन्द्रीय सदस्य गोविन्द भट्टराई र संविधानसभा सदस्य रामचन्द्र पोख्रेलले आवेदन दर्ता गराएको काङ्ग्रेस क्षेत्रीय सचिव दयानिधी नरालले जानकारी दिए ।
