निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमौली । नजिकिदै गरेको नेपालीहरुको महान चाड विजयादशमी तथा दिपावलीको अवसर पारेर सरसफाई अभियान सुरु गरिएको छ । चापाघाट टोल विकास समितिका अध्यक्ष नर बहादुर थापाको नेतृत्वमा व्यास- ५ को चापाघाट वरपर सरसफाई गरिएको हो ।
विशेष गरेर चाडपर्वको सम्मुखमा सरसफाई गरेर चाडपर्वलाई स्वागत गरिने विगत देखिको श्रृखला भएको अध्यक्ष थापाले बताए । सरसफाई कार्यक्रममा व्यास–५ का अध्यक्ष विष्णुकुमार श्रेष्ठ हिमाल लगायत स्थानिय वासिन्दको उपस्थिति रहेको थियो । ‘सरसफाई वडा भित्रको कार्यक्रम हो, यो सरसफाई अभियान वडाको हरेक टोलमा चल्नेछ । मान्छे स्वस्थ्य रहन न्युनतम घर आँगन र टोल सफाई हुनुपर्छ,’ उनले भने ।
