निष्पक्ष र विश्वसनीय खबरको सँगालो 
Khabar Punja
२४ पुष २०८१, बिहीबार
दमाैली । नवौँ राष्ट्रिय खेलकुद प्रतियोगिताअन्तर्गत महिला बास्केटबलको थ्री बाई थ्रीमा सशस्त्र प्रहरीले स्वर्ण पदक जितेको छ । तनहुँको व्यास नगरपालिका–१ निर्मल माविमा बुधबार सम्पन्न फाइनल खेलमा त्रिभुवन आर्मी क्लबलाई पराजित गर्दै सशस्त्रले उपाधिसँगै स्वर्णपदक जितेको हो ।
सशस्त्रले आर्मीलाई ८–५ अङ्कले पराजित गर्यो । सशस्त्रको जीतमा आकृति श्रेष्ठले व्यक्तिगत तीन र आर्मीका सुमित्रा खड्काले चार अङ्क जोडेकी थिइन् । जीतसँगै सशस्त्रले स्वर्ण र उपविजेता त्रिभुवन आर्मी क्लबले रजतपदक जितेको छ ।
थ्री बाई थ्री को रजतपदक गण्डकी प्रदेशले जितेको छ । तेस्रो स्थानका लागि आजै भएको खेलमा बागमती प्रदेशलाई ९–७ ले पराजित गरेको छ ।
थ्री बाई थ्रीतर्फ मधेस प्रदेश, बागमती प्रदेश, लुम्बिनी प्रदेश, त्रिभुवन आर्मी क्लब, प्रदेश नम्बर १, सशस्त्र प्रहरी, गण्डकी प्रदेश र सुदूरपश्चिम प्रदेश सहभागी थिए ।
