Khabar Punja

पोखरा । ५ लाख ३२ हजार रुपैयाँसहित जिल्ला प्रहरी कार्यालय कास्कीले २३ जना जुवाडेलाई पक्राउ गरेको छ ।पोखरा महानगरपालिका–३० शिशुवा बस्ने यमुना पराजुलीको घरमा जुवातास खेलिरहेको अवस्थामा  २३ वर्षीय बिनित सुबेदी समेत २३ जनालाई मंगलवार राति प्रहरीले पक्राउ गरेको हो । 

उनको घरमा जुवातास खेलिरहेको इलाका प्रहरी कार्यालय शिशुवाबाट खटिएको प्रहरीले उनीहरूलाई नगद ५ लाख ३१ हजार ९ सय ५० रूपैयाँ र १ सेट कौडा सहित पक्राउ गरेको जिल्ला प्रहरी कार्यालय कास्कीले  जनाएको छ  ।