निष्पक्ष र विश्वसनीय खबरको सँगालो 
Khabar Punja
२५ जेष्ठ २०८३, मंगलवार
दमौली । मंसिर ४ गते हुने निर्वाचनका लागि उम्मेदवार यतिबेला गाउँ छिरेका छन् । मतदाता रिझाउँदै आफ्नो पक्षमा माहोल बनाउन उम्मेदवार घरदैलो गरिरहेका छन् ।
घरदैलोका क्रममा नेताहरुबीच यतिबेला मालाको प्रतिस्पर्धा चलेको छ । अनुहार नै छोपिने गरी स्थानीयले नेताहरुलाई माला लगाइदिएका छन् ।
भानु नगरपालिका-१२ अर्चले पुगेका तनहुँ-१ का उम्मेदवार रामचन्द्र पौडेललाई स्थानीयले बिहीबार १२ किलोको माला लगाइदिए। मालासँगै पौडेललाई स्थानीयले १२ बुँदै मागपत्र थमाए । पत्रमा स्थानीय विकास निर्माणका माग समेटिएको थियो ।
भानु-१२ कवाचित पुगेका नेकपा एमालेका तनहुँ-१ उम्मेदवार एकबहादुर रानालाई पनि स्थानीयले शुक्रबार मालाले स्वागत गरेका छन् ।
देवघाटमा घरदैलोका क्रममा नेकपा एमालेका तनहुँ १ प्रदेश २ का उम्मेदवार पूर्णबहादुर गुरुङलाई पनि स्थानीयले अनुहार छोपिने गरी माला लगाइदिएका छन् ।
माला लगाइदिने कार्यलाई प्रतिस्पर्धा भन्दा पनि स्थानीयको स्वागत र सद्भावको रुपमा बुझ्नुपर्ने नेपाली कांग्रेसका एक नेताले बताए ।
